नेपाली बजारमा साताको अन्तिम दिन शुक्रबार सुनचाँदीको भाउमा भारी गिरावट आएको छ ।
बिहीबार हालसम्मकै उच्च बिन्दुमा पुगेकामा शुक्रबार सुनको भाउ तोलामा २० हजार पाँच सय र चाँदीको चार सय ४० रुपैयाँ घटेको नेपाल सुनचाँदी रत्न तथा आभूषण महासंघले जनाएको छ ।
मूल्य घटेसँगै शुक्रबार छापावाला सुनको भाउ प्रतितोला तीन लाख १८ हजार आठ सय रुपैयाँ कायम भएको छ ।
सुनको भाउ यसअघि बिहीबार प्रतितोला तीन लाख ३९ हजार तीन सय रुपैयाँ पुगेको थियो ।
यता, बिहीबार हालसम्मकै उच्च प्रतितोला सात हजार पाँच सय पाँच रुपैयाँ पुगेको असली चाँदीको भाउ शुक्रबार घटेर सात हजार ६५ रुपैयाँ कायम भएको महासंघले जनाएको छ ।
