काठमाडौं, १५ चैत – राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले आफ्ना सांसदहरुलाई दुर्गा प्रसाईँको नेतृत्वमा हुने जनप्रदर्शनमा सहभागी हुन निर्देशन दिएका छन्।
राप्रपाका नेता एवं प्रतिनिधि सभा सदस्य दीपक बहादुर सिंहले नेपाली रेडियो नेटवर्कको ‘नेपाली बहस’ कार्यक्रममा पत्रकार ऋषि धमलासँग कुरा गर्दै अध्यक्ष लिङ्देनले सबै सांसदलाई आन्दोलनमा सहभागी हुन भनेको जानकारी दिए।
राजसंस्थाको पुनःस्थापनाका लागि आन्दोलन
सांसद सिंहका अनुसार राप्रपाले वर्षौंदेखि बोकेको एजेन्डा (राजसंस्था पुनःस्थापना, संघीयता खारेजी, हिन्दू राष्ट्र) का पक्षमा आन्दोलन हुने भएकाले पार्टीको समर्थन रहेको छ।
👉 “यदि प्रधानमन्त्री प्रचण्डले नै राजसंस्थाको पक्षमा आन्दोलन गर्छु भने पनि राप्रपा पहिलो पंक्तिमा रहनेछ,” – उनले भने।
आजको प्रदर्शन ट्रेलर मात्रै
सांसद सिंहले आजको जनप्रदर्शनलाई मात्र ‘ट्रेलर’ भएको बताएका छन्।
👉 “ट्रेलर देखाउँदै गर्दा गणतन्त्रवादीहरु डराएर बर्बराउन थालेका छन्।”
तीनकुनेमा हुनेछ महाप्रदर्शन
“राष्ट्र, राष्ट्रियता, धर्म, संस्कृति र नागरिक बचाउ महाअभियान” का संयोजक दुर्गा प्रसाईँको नेतृत्वमा आज तीनकुनेमा विशाल प्रदर्शन हुँदैछ।
📌 तपाईं के सोच्नुहुन्छ? राजसंस्था पुनःस्थापना हुनुपर्छ कि गणतन्त्र नै टिक्नुपर्छ? आफ्नो विचार कमेन्टमा लेख्नुहोस्!
