क्रोएसियाले शुक्रवार फारो आइसल्यान्ड्सलाई ३–१ ले हराउँदै फिफा विश्वकप २०२६ का लागि स्थान पक्का गरेको छ। खेलमा पछि परेको क्रोएसियाले उत्कृष्ट पुनरागमन गर्दै जित हात पारेको हो।
रियेकामा भएको खेलको १६ औं मिनेटमा गेझा डेविड टुरीको गोलमा फारोले अग्रता लियो। तर २३ औं मिनेटमा जोस्को ग्भार्डिओलले गोल गर्दै खेल बराबरीमा ल्याए।
५७ औं मिनेटमा पेटार मुसाले नजिकैबाट गोल गर्दै क्रोएसियालाई अगाडि बढाए । मुसाको यो सन् २०२३ पछि पहिलो अन्तर्राष्ट्रिय खेल थियो। ७० औं मिनेटमा इभान पेरिसिचको क्रसमा निकोलाभ्लासिकले गोल गर्दै जित निश्चित गरे।
जितपछि डिफेन्डर ग्भार्डिओलले भने, ‘हामीले एक खेल बाँकी छँदै लक्ष्य पूरा गरेका छौँ। अब अन्तिम खेल पनि जित्ने लक्ष्यसहित मोन्टेनेग्रो जान्छौँ।’
यो जितसँगै क्रोएसिया समूह एलमा दोस्रो स्थानको चेक रिपब्लिक भन्दा ६ अंकले अगाडि छ।
