काबुल, ९ भदौ- विभिन्न देशका सेना र उनीहरुसँग काम गरेका अफगानीसमेत गरी अहिलेसम्म ७१ हजार व्यक्तिले काबुल छोडेका छन् । पछिल्ले नौ दिनमा उनीहरुले काबुल छोडेका हुन् । छोड्नेहरुमध्ये सबैभन्दा बढी अमेरिकी नागरिक छन् । अमेरिकी नेतृत्वको सेनाले ३१ अगस्टभित्र काबुल छोड्नुपर्ने बाध्यता छ । निर्धारित समयमा अफगान मैदान खाली गर्ने विषयमा पश्चिमेली मुलुक तनाबमा छन् । त्अफगानिस्तान छोड्न इच्छुक हजारौ व्यक्ति राजधानी काबुलमा छन् ।
‘हामीले जति सक्दो चाँडो अफगानिस्तान छोड्यो, त्यति नै राम्रो ।’ अमेरिकी राष्ट्रपति जोन बाइडेनले भनेका छन् । विदेशी सेनाको फिर्ती पक्रिया सहज पार्न तालिवानले समेत सहयोग गरेको बाईडेनको भनाई छ । तालिवानको कामलाई हेरेर अन्तर्राष्ट्रिय समुदयाले उनीहरुलाई मुल्यांकन गर्ने समेत उनले बताए ।
तालिवानद्धारा नयाँ अर्थमन्त्री नियुक्त
तालिवानले गुप्तचर निकायका प्रमुख गुल अगाहलाई नयाँ अर्थमन्त्रीमा नियुक्त गरेको छ । त्यस्तै सदर इब्राहिम कार्यबहाक गृहमन्त्री बनेका छन् ।
