राष्ट्रिय स्वतन्त्र पार्टी (रास्वपा) ले एमालेको झण्डा आफूहरूले नजलाएको जनाएको छ । पार्टीका जिल्ला सभापति बिनय घिमिरेले एक विज्ञप्ति जारी गर्दै एमालेको झण्डा आफूहरूले नजलाएको जनाएको हो ।
विज्ञप्तिमा केन्द्रीय सभापति सुर्खेतको कार्यक्रम सकेर दाङ आउने क्रममा सडक पेटीमा स्वतःस्फूर्त रूपमा स्वागत गर्न जुटेका शुभेच्छुकहरूको उपस्थितिलाई लिएर केही घुसपैठ र अवाञ्छित तत्वहरूले भ्रमपूर्ण वातावरण सिर्जना गरेको आरोप लगाइएको छ। ‘रास्वपाको बढ्दो जनलहरलाई धुमिल बनाउने उद्देश्यले गरिएको यस्तो निन्दनीय कार्यमा हाम्रो पार्टीको कुनै पनि संलग्नता नरहेको स्पष्ट पार्न चाहन्छौं,’ विज्ञप्तिमा लेखिएको छ ।
