नेपाली बजारमा आज सुनचाँदीको मूल्य बढेको छ । आज सुनकाे भाउ तोलामा एक हजार दुई सय र चाँदी ५५ रुपैयाँले बढेको हो ।
मूल्य बढेसँगै आज शुक्रबार छापावाला सुन प्रतितोला दुई लाख २२ हजार पाँच सय रुपैयाँमा कारोवार भइरहेको छ । नेपाल सुनचाँदी रत्न तथा आभूषण महासंघले जनाएको छ ।
यसअघि बिहीबार सुन प्रतितोला दुई लाख २१ हजार तीन सय रुपैयाँमा कारोबार भएको थियो ।
यस्तै, आज असली चाँदी दुई हजार सात सय ४० रुपैयाँमा कारोबार भइरहेको छ । चाँदीकाे यो मूल्य इतिहासकै उच्च हो ।
यसअघि बिहीबार चाँदीको भाउ प्रतितोला दुई हजार छ सय ८५ मा कारोबार भएको थियो ।
