श्रीलंकाका पूर्वराष्ट्रपति रानिल विक्रमसिंघेलाई सरकारी कोष दुरुपयोगको आरोपमा शुक्रबार प्रहरीको अपराधिक अनुसन्धान विभाग (सीआईडी)ले पक्राउ गरेको जनाएको छ।
७६ वर्षीय विक्रमसिंघे राजधानी कोलम्बोस्थित सीआईडी कार्यालयमा बयान दिन पुगेका बेला उनलाई नियन्त्रणमा लिइएको बताइएको छ। रिपोर्टअनुसार, उनीमाथि लण्डनमा आयोजित आफ्नी पत्नीको स्नातक समारोहमा उपस्थित हुन गरिएको भ्रमणमा सरकारी खर्च प्रयोग भएको आरोपमा अनुसन्धान भइरहेको छ।
