२०८१ फाल्गुन ६, मंगलवार
काठमाडौं, ६ फागुन । राष्ट्रिय प्रजातन्त्र पार्टी (राप्रपा) का प्रवक्ता र प्रतिनिधि सभामा दलका प्रमुख सचेतक, ज्ञानबहादुर शाहीले संघीय संसद्अन्तर्गतको राष्ट्रिय सभा वृद्धाश्रमको रूपमा रहेको दाबी गरेका छन्। सोमबार प्राइम टाइम्स टेलिभिजनको ‘जनता जान्न चाहन्छन्’ कार्यक्रममा पत्रकार ऋषि धमलासँग संवाद गर्दै उनले भने कि, “राष्ट्रिय सभा वृद्धाश्रम हो” भन्ने कुरा आफूले अनजानमा नबोलेको र त्यो स्थान एक डम्पिङसाइट जस्तै भएको दाबी गरे।
उनले भने, “पशुपतिलगायतका वृद्धाश्रममा हामीले बेलाबेलामा सहयोग र स्वागत गर्दै आएको छौं। तर, राष्ट्रिय सभा भनेको वृद्धाश्रम हो, त्यहाँ केही पनि काम छैन। यो खर्च बढाउने थलो मात्र हो।”
शाहीले आफ्नो भनाइलाई स्पष्ट गर्दै भने, “त्यहाँ जेष्ठ नागरिकहरु नै हुनुछन्। यो वृद्धाश्रम हो, र यो डम्पिङसाइट हो। यसमा दुईमत नै छैन। नेताहरु यहाँ कसरी चाकडी गर्ने, चुनाव हारेको व्यक्तिहरुलाई थन्काउने, अनि देशलाई कसरी बर्बाद पार्ने भन्ने कुरा मात्र हो।”
राप्रपा प्रवक्ता शाहीले भने, “जनताबाट निर्वाचित नभएका व्यक्तिहरु त्यहाँ जम्मा भएका छन्। चुनाव हारेर आएका व्यक्तिहरुको लागि यो मात्र थलो हो। यसबारे के बोल्नुपर्छ मलाई थाहा छ, तर वृद्धाश्रमलाई बालआश्रम भनिँदैन।”
उनले राष्ट्रपतिको आलोचना गर्दै, “कृष्णप्रसाद सिटौलालाई के भन्नुहुन्छ तपाईं? जनताले जमानत जफत गरेपछि, चोर बाटोबाट आएका हुन्” भन्दै टिप्पणी गरे।
शाहीको भनाइले राष्ट्रिय सभा र यसको कार्यप्रणालीको बारेमा व्यापक आलोचना निम्त्याएको छ र यो विषय सार्वजनिक बहसको कारण बनेको छ।
