नेपाल प्रिमियर लिग (एनपीएल) मा काठमाडौँ गुर्खाजको प्लेअफ यात्रा समाप्त भएको छ।
सोमबार भएको पहिलो खेलमा कर्णाली याक्सले सुदूरपश्चिम रोयल्सलाई झिनो लक्ष्य प्रदान गर्यो। पहिलो इनिङ्समा १०२ रनको लक्ष्य दिएको कर्णाली हाल बलिङ गरिरहेको छ।
यसअघि नै जनकपुर बोल्ट्स, सुदूरपश्चिम रोयल्स र चितवन राइनोजले प्लेअफ स्थान सुरक्षित गरिसकेका थिए। आजको दोस्रो इनिङ्सको खेल महत्त्वपूर्ण मात्र नभई रोचक पनि बनेको थियो। काठमाडौँ गुर्खाजको भाग्य सुदूरपश्चिम रोयल्सको ब्याटिङमा निर्भर थियो, तर अब त्यो सम्भावना पनि समाप्त भएको छ।
झिनो लक्ष्यका कारण काठमाडौँलाई केही सम्भावना थियो। सुदूरपश्चिमले कम्तीमा १२.२ ओभरमा लक्ष्य हासिल गरेमा कर्णालीको दुर्भाग्य र काठमाडौँको सौभाग्य हुने थियो। तर, सुदूरपश्चिमले १२.२ ओभरमा मात्र ७४ रन बनाउन सकेको थियो र यसअघि नै तीन विकेट गुमाएको थियो।
