प्रस्तावित रेलमार्ग पिडित संघर्ष समिती भरतपुर ८,७,५,४,१६ रेलामार्गको बिकप्ल तत्काल नगए थप आन्दोलनमा जाने भएको छ | प्रस्तावित रेल मार्ग पिडित संघर्ष समिती ८,७,५,४,१६ को आज भएको बृहत भेलामा सो बिषयमा छलफल भएको हो |
संघर्ष समितिका अध्यक्ष भगिरथ पहारीको सभापतित्वमा सम्पन्न भएको सो भेलालाई सम्बोधन गर्दै प्रमुख अतिथी तथा भरतपुर महानगर पालिका वडा नं ७ का वडा अध्यक्ष राजेन्द्र मणी काफ्लेले हालको प्रस्तावित मार्गमा रेल नआउने कुरामा ढुक्क भएपनि चुपलागेर बस्न नहुने बताउनु भएको छ | कार्यक्रमलाई सम्बोधन गर्दै उहाँले भन्नु भयो “हाल प्रस्त्वावित मार्गमा रेल आउदैन यसको विकल्प खोजिन्छ भन्ने कुरामा म लगायत सिंगो महानगरपालिका ढुक्क छ तर यति भन्दैमा चुप लागेर नबसी तत्काल संघर्षका थप कार्यक्रम शुरु गर्नुपर्छ र आबश्यक परे राजधानीमा गएर प्रदर्शन गर्न पनि पछि पर्न हुदैंन |”
यसैगरी कार्यक्रमका अर्का वक्ता वालकुमारी कलेजका सहायक कलेज प्रमुख आनन्द ढुंगानाले रेल पिडित संघर्षको कार्यक्रममा आफ्नो एक्यबद्धता रहेको जनाउदै आवश्यक परेको खण्डमा जस्तोसुकै सहयोग गर्नपनि तयार रहेको जानकारी गराउनु भयो |
भेलामा संघर्ष समितीले हाल सम्म गरेका काम कारबाही र प्रगति बिषय छलफल भएको थियो | रेलमार्गको बिकल्पमा जान प्रधानमन्त्री स्वयम् सकारात्मक रहेको बताउनु भएको र केहि समय पर्खन सबै जनालाई जानकारी गराईनुका साथै रेल बिभागले महानगरपालिकालाई रेल विभागबाट हाल भइरहेको कामका बिषय लेखेको जवाफी पत्र पढेर सुनाईएको थियो | रेल विभागको पत्रमा सर्भेटोलीको गाडी जलाईएपछि सो सम्बन्धी सम्पूर्ण कार्यस्थगित भएको र हालसम्म डी पी आरको काम सम्पन्न नभएको जनाईएको छ |
