असोजको पहिलो सातादेखि दसैंको अग्रिम टिकट बुकिङ खुला हुने भएको छ ।
सार्वजनिक सवारीमा असोजको पहिलो सातादेखि अग्रिम टिकट बुकिङ खुलाउने तयारी भएको यातायात व्यवस्था विभागले जनाएको छ । विभागका महानिर्देशक उद्धवप्रसाद रिजालका अनुसार घटस्थापनाको एक हप्ता अगाडिदेखि टिकट बुकिङ खुलाउनेबारे छलफल भइरहेको छ ।
यसैबीच, भदौ १५ मा बसेको पूर्वअरनिको यातायातको सञ्चालनक समितिले भदौ २० गतेबाट अग्रिम टिकट बुकिङ खुल्ला गर्ने निर्णय गरिसकेको छ । पृथ्वी राजमार्ग यातायात कम्पनीले टिकट बुकिङ खुल्ला गरिसकेको छ ।
